იტვირთება…
09:45
სტამბაMerab Kostava st. 14, Tbilisiრუკა (ახალ ჩანართში იხსნება)
შეიყვანე ელფოსტა და ბილეთის განთავსებისთანავე შეგატყობინებთ.
კვლევითი საქმიანობის მენეჯმენტი და ადმინისტრირება უნივერსიტეტებში გაიმართება ხუთ, 10 დეკ. ადგილი: სტამბა. სალაროს ფასი 300 ₾-დან. მერცხალზე შეგიძლია სხვა მაყურებლის ბილეთი იყიდო ან შენი გაყიდო, თუ ღონისძიებაზე ვეღარ მიდიხარ.
თანამედროვე უნივერსიტეტში კვლევითი საქმიანობის ეფექტიანი მართვა მოითხოვს არა მხოლოდ სამეცნიერო კომპეტენციებს, არამედ სტრატეგიული დაგეგმვის, ადმინისტრირების, პროექტების კოორდინაციის, შედეგების შეფასებისა და საერთაშორისო თანამშრომლობის განვითარების პროფესიულ უნარებს.
ორგანიზაცია „ქიმია და ადამიანის ჯანმრთელობა“ აცხადებს რეგისტრაციას ორდღიან პროფესიულ ტრენინგზე — „კვლევითი საქმიანობის მენეჯმენტი და ადმინისტრირება უნივერსიტეტებში“.
ტრენინგის მიზანია უნივერსიტეტების კვლევითი სტრუქტურების ხელმძღვანელებსა და თანამშრომლებს გაუზიაროს კვლევითი საქმიანობის მართვის პრაქტიკული მიდგომები, თანამედროვე ადმინისტრაციული ინსტრუმენტები და ინსტიტუციური განვითარების ეფექტიანი მექანიზმები.
პროგრამა აერთიანებს თემატურ სწავლებას, რეალური სამუშაო სიტუაციების განხილვას, ჯგუფურ სავარჯიშოებსა და პრაქტიკული დოკუმენტების შემუშავებას.
ტრენინგის მთავარი ღირებულებაა მიღებული ცოდნის უშუალოდ სამუშაო პრაქტიკაში გამოყენების შესაძლებლობა.
ვისთვის არის განკუთვნილი ტრენინგი?
პროგრამა განკუთვნილია:
უნივერსიტეტების კვლევისა და განვითარების ცენტრების ხელმძღვანელებისა და თანამშრომლებისთვის;
სამეცნიერო დეპარტამენტებისა და კვლევითი სამსახურების წარმომადგენლებისთვის;
საგრანტო ოფისებისა და კვლევითი პროექტების კოორდინატორებისთვის;
ფაკულტეტების კვლევით საქმიანობაზე პასუხისმგებელი პირებისთვის;
აკადემიური ადმინისტრაციის თანამშრომლებისთვის;
კვლევითი საქმიანობის მართვისა და ადმინისტრირების სფეროში პროფესიული განვითარების მსურველთათვის.
ტრენინგის ძირითადი მიმართულებები
პროგრამა მოიცავს ხუთ თემატურ მოდულს:
მოდული I — კვლევითი საქმიანობის მართვის ინსტიტუციური სისტემა
კვლევითი სტრუქტურების ფუნქციები, ორგანიზაციული მოდელები, პასუხისმგებლობების განაწილება და კვლევითი პროცესების ადმინისტრაციული კოორდინაცია.
მოდული II — კვლევითი სტრატეგია და სამოქმედო დაგეგმვა
კვლევითი პრიორიტეტების განსაზღვრა, სტრატეგიული მიზნების ფორმირება, წლიური სამოქმედო გეგმების შემუშავება და შედეგიანობის ინდიკატორების (KPI) განსაზღვრა.
მოდული III — სამეცნიერო პროექტებისა და საგრანტო საქმიანობის ადმინისტრირება
საგრანტო შესაძლებლობების მართვა, საპროექტო განაცხადების ინსტიტუციური მხარდაჭერა, პროექტების ადმინისტრირება, ვადებისა და ანგარიშგების კოორდინაცია.
მოდული IV — კვლევითი შედეგების მონიტორინგი და შეფასება
კვლევითი საქმიანობის შეფასების ინდიკატორები, სამეცნიერო შედეგების აღრიცხვა, საერთაშორისო სამეცნიერო ბაზები, კვლევითი ხილვადობა და ინსტიტუციური ანგარიშგება.
მოდული V — საერთაშორისო თანამშრომლობა და კვლევითი საქმიანობის განვითარება
ფასი თავად დააწესე. ბილეთის გაგზავნამდე მყიდველი თანხას მერცხალს გადაუხდის, შენ კი მას ღონისძიების შემდეგ მიიღებ.
საერთაშორისო კვლევითი პარტნიორობები, სამეცნიერო ქსელები, კვლევითი კონსორციუმები, საერთაშორისო ღონისძიებების ორგანიზება და ინსტიტუციური ინტერნაციონალიზაცია.
პრაქტიკული კომპონენტი
ტრენინგი განსაკუთრებულ ყურადღებას უთმობს პრაქტიკული უნარების განვითარებას.
მონაწილეები იმუშავებენ კვლევითი საქმიანობის დაგეგმვისა და ადმინისტრირების კონკრეტულ ამოცანებზე, გაეცნობიან სამუშაო დოკუმენტების ნიმუშებს და შეასრულებენ ინდივიდუალურ და ჯგუფურ სავარჯიშოებს.
პროგრამის დასკვნით ნაწილში მონაწილეები შეიმუშავებენ კვლევითი საქმიანობის განვითარების 90-დღიან სამოქმედო გეგმას, რომელიც შეიძლება ადაპტირდეს მათი უნივერსიტეტის ან კვლევითი სტრუქტურის საჭიროებებზე.
რას მიიღებენ მონაწილეები?
ტრენინგის მონაწილეებს გადაეცემათ:
სასწავლო და საპრეზენტაციო მასალები;
კვლევითი საქმიანობის სტრატეგიული და წლიური დაგეგმვის შაბლონები;
სამეცნიერო პროექტების ადმინისტრირების სამუშაო ინსტრუმენტები;
კვლევითი შედეგების მონიტორინგისა და შეფასების ცხრილები;
საერთაშორისო თანამშრომლობის დაგეგმვის სამუშაო ფორმები;
ტრენინგში მონაწილეობის სერტიფიკატი.
ტრენინგის დასრულების შემდეგ მონაწილეებს ექნებათ პრაქტიკული ინსტრუმენტები კვლევითი პროცესების უფრო სისტემურად დაგეგმვის, კოორდინაციისა და შეფასებისთვის.
ტრენერი
მარინე შავლაყაძე
ქიმიური და ბიოლოგიური ინჟინერიის აკადემიური დოქტორი | მკვლევარი | კვლევითი საქმიანობის მართვისა და ადმინისტრირების სპეციალისტი
მარინე შავლაყაძეს აქვს უნივერსიტეტის კვლევისა და განვითარების ცენტრის ხელმძღვანელობის ხუთწლიანი გამოცდილება.
აღწერა მოწოდებულია ორგანიზატორის მიერ.