კონფიდენციალურობის პოლიტიკა
რა მონაცემებს ვაგროვებთ მერცხალზე ბილეთის ყიდვისა და გაყიდვისას, რისთვის გვჭირდება ისინი, ვის ვუზიარებთ და რამდენ ხანს ვინახავთ. ეს პოლიტიკა ვრცელდება როგორც საიტზე, ისე აპებზე.
- ბოლო განახლება
- კითხვები
- support@mertskhali.com
0რეკლამა, სარეკლამო ტრეკერი ან ანალიტიკის ინსტრუმენტი. შენს მონაცემებს არავის ვყიდით.
ბარათის მონაცემებს საგადახდო მომსახურების პროვაიდერის დაცულ გვერდზე შეიყვან. ჩვენს სერვერებზე ეს მონაცემები არასდროს ხვდება.
რას ვაგროვებთ
მხოლოდ იმ მონაცემებს, რომლებიც პლატფორმის მუშაობისთვის გვჭირდება. მათ უმეტესობას თავად გვაწვდი, დანარჩენი კი მერცხლით სარგებლობისას გროვდება.
- შენი ანგარიში
- შენი ელფოსტა, არჩეული ენა და რეგისტრაციის თარიღი. ანგარიშში შესასვლელად ელფოსტაზე ერთჯერად კოდს გიგზავნით, ამიტომ პაროლს არ ვინახავთ. თუ Google-ით გააგრძელებ, ვინახავთ იმ იდენტიფიკატორსაც, რომელსაც Google შენს ანგარიშს ანიჭებს.
- პროფილის მონაცემები
- შენი სახელი, ტელეფონის ნომერი და ბილეთების საიტზე (მაგალითად, tkt.ge-ზე) შენი ანგარიშის მონაცემები, თუ მათ დაამატებ. ასევე წერილებისა და შეტყობინებების მიღების პარამეტრები.
- ნომრის დადასტურება
- თუ ტელეფონის ნომერს დაადასტურებ, ვინახავთ ნომერსა და დადასტურების თარიღს. კოდს SMS-მომსახურების პროვაიდერის მეშვეობით გიგზავნით. მხოლოდ ქართული მობილური ნომრის დადასტურებაა შესაძლებელი.
- პირადობის დადასტურება
- თუ პირადობის დადასტურებას აირჩევ, შენს პირადობის დოკუმენტსა და სელფს ჩვენი დავალებით Didit შეამოწმებს. Didit-ისგან მიღებული მონაცემებიდან ვინახავთ მხოლოდ შემოწმების შედეგს, დოკუმენტში მითითებულ სახელსა და გვარს, დოკუმენტის გამცემ ქვეყანას და, თუ შემოწმება ვერ გაიარე, მიზეზს. თავად დოკუმენტი და სელფი Didit-თან ინახება.
- საბანკო მონაცემები
- თუ ბილეთებს ყიდი, ვინახავთ იმ ქართული საბანკო ანგარიშის IBAN-სა და მფლობელის სახელს, რომელზეც გაყიდვებიდან მიღებულ თანხას გირიცხავთ.
- შეკვეთები და გადახდები
- ინფორმაცია იმის შესახებ, რას ყიდულობ და ყიდი: ფასები, საკომისიოები, შეკვეთის სტატუსი და ბილეთის გადაცემის ჩანაწერები. ასევე ბილეთების საიტზე შენი ანგარიში, რომელზეც გამყიდველი ბილეთს გიგზავნის, და პირისპირ გადაცემის ექვსნიშნა კოდი. საგადახდო მომსახურების პროვაიდერისგან ვიღებთ გადახდის სტატუსს, ბარათის ტიპსა და ნაწილობრივ დაფარულ ნომერს, მაგალითად 4444 •••• 1111. ბარათის სრულ ნომერს არასდროს ვიღებთ. საბანკო გადარიცხვით გადახდისას ვიღებთ გამგზავნის სახელსა და ანგარიშის ნომერს, გადარიცხვის საიდენტიფიკაციო ნომერსა და დანიშნულებას, რომლებიც ჩვენს საბანკო ამონაწერში ჩანს. ეს მონაცემები გვჭირდება, რომ გადახდა შეკვეთას დავუკავშიროთ და საჭიროების შემთხვევაში თანხა დაგიბრუნოთ.
- განცხადებები და ბილეთის ფაილები
- ადგილების შესახებ ინფორმაცია, ფასები და შენიშვნები, ასევე შენ მიერ ატვირთული ფაილები: ბილეთები, შეძენის დამადასტურებელი საბუთები, ფოტოები და შემოწმებული ელწერილები, რომლებიც ბილეთებს შეიცავს. ამ მასალას ვამოწმებთ, რომ დავრწმუნდეთ ბილეთის ნამდვილობაში და გამოვავლინოთ ერთი და იმავე ბილეთის განმეორებით გაყიდვის მცდელობა.
- მიმოწერა, საჩივრები და მხარდაჭერა
- შეკვეთასთან დაკავშირებული მიმოწერა მყიდველსა და გამყიდველს შორის, საჩივრები და მათზე პასუხები, დარღვევების შესახებ შეტყობინებები და მომხმარებლების დაბლოკვის ჩანაწერები. ასევე შენი მიმოწერა მხარდაჭერის გუნდთან.
- ფასის შეტყობინებები და მოლოდინის სიები
- ღონისძიებები, რომლებზეც შეტყობინების მიღება მოითხოვე, და შენ მიერ მითითებული მაქსიმალური ფასი. თუ ღონისძიების მოლოდინის სიაში ანგარიშის გარეშე ჩაეწერები, ვინახავთ შენს ელფოსტასა და ინფორმაციას იმის შესახებ, რომელი ღონისძიება გაინტერესებს.
- აპი და მოწყობილობა
- აპებში ვინახავთ push-შეტყობინებების ტოკენს, პლატფორმასა და აპის ვერსიას. ასევე ვაგროვებთ ჩანაწერებს აპის მოულოდნელი დახურვის შესახებ და მუშაობის მაჩვენებლებს, მაგალითად, რამდენ ხანში იხსნება აპი. მოულოდნელი დახურვის ჩანაწერები შენს ანგარიშს არ უკავშირდება.
- თაღლითობის პრევენციის მონაცემები
- ყალბი ბილეთებისა და ერთმანეთთან დაკავშირებული ანგარიშების გამოსავლენად შეიძლება შევინახოთ იმ IP მისამართის შეუქცევადი ციფრული ანაბეჭდი, საიდანაც ანგარიშში შედიხარ, განცხადებას ამატებ, ბილეთს ყიდულობ ან საბანკო მონაცემებს ცვლი. ასევე შეიძლება შევინახოთ იმ საბანკო ანგარიშების ანაბეჭდები, რომლებზეც თანხას ვრიცხავთ. ანაბეჭდების შედარება შეგვიძლია, თუმცა მათი საშუალებით თავდაპირველი მონაცემების აღდგენა შეუძლებელია. თავად IP მისამართსა და ბრაუზერის მონაცემებს არ ვინახავთ.
დაბადების თარიღსა და საცხოვრებელ მისამართს არ გეკითხებით, პირად ნომერს არ ვინახავთ, ბარათის სრულ ნომერს კი საერთოდ ვერ ვხედავთ.
როგორ და რატომ ვიყენებთ მონაცემებს
- შეკვეთებისა და განცხადებების სამართავად
- ანგარიშში შესასვლელად, ბილეთების დასაჯავშნად, გადახდის მისაღებად, ბილეთის გადასაცემად, გამყიდველისთვის თანხის ჩასარიცხად, თანხის დასაბრუნებლად და გარანტიებით ნაკისრი ვალდებულებების შესასრულებლად. ამ მონაცემების გარეშე შენ მიერ მოთხოვნილ მომსახურებას ვერ გაგიწევთ.
- პლატფორმის უსაფრთხოებისთვის
- ბილეთებისა და დამადასტურებელი მასალის შესამოწმებლად, დუბლიკატებისა და ერთმანეთთან დაკავშირებული ანგარიშების გამოსავლენად, უჩვეულო აქტივობის შესაზღუდად, საჩივრებისა და შეტყობინებების განსახილველად. ასევე თანხის ჩარიცხვის შესაჩერებლად, სანამ პრობლემას ვიკვლევთ. ამის საფუძველია ჩვენი და შენი ლეგიტიმური ინტერესი: თაღლითობისგან დაცული პლატფორმით სარგებლობა.
- გამყიდველების ვინაობის დასადასტურებლად
- ტელეფონის ნომრისა და პირადობის დადასტურების შემდეგ ვერიფიცირებული გამყიდველის ნიშანს მიიღებ და საკომისიოც შეგიმცირდება. ორივე შემოწმება ნებაყოფლობითია. პირადობის შემოწმებას მხოლოდ შენი წინასწარი თანხმობით ვიწყებთ.
- ინფორმაციის მოსაწოდებლად
- გიგზავნით ელწერილებს, SMS-ებსა და შეტყობინებებს ანგარიშში შესვლის კოდებითა და ინფორმაციით შეკვეთების, ბილეთის გადაცემის, თანხის ჩარიცხვის, მიმოწერისა და ფასების შესახებ. შეხსენებების, ახალი შეტყობინებების შესახებ ცნობებისა და ფასის შეტყობინებების გამორთვა შეგიძლია. გადახდებთან, ჩარიცხვებსა და ბილეთის გადაცემასთან დაკავშირებულ შეტყობინებებს კი ყოველთვის გიგზავნით.
- კანონის მოთხოვნების შესასრულებლად
- ბუღალტრული და საგადახდო ჩანაწერების შესანახად და უფლებამოსილი ორგანოების კანონიერ მოთხოვნებზე პასუხის გასაცემად.
- დასახმარებლად
- შენს კითხვებზე პასუხის გასაცემად და შეკვეთასთან დაკავშირებული პრობლემების მოსაგვარებლად.
შენს მონაცემებს რეკლამისთვის არ ვიყენებთ, მარკეტინგულ პროფილს არ გიქმნით და სარეკლამო წერილებს არ გიგზავნით. მონაცემებს არავის ვყიდით და არც ვაქირავებთ.
მონაცემების გადაცემა საზღვარგარეთ
ჩვენი სერვერები და ზემოთ ჩამოთვლილი პროვაიდერების ნაწილი საქართველოს ფარგლებს გარეთაა, ძირითადად ევროკავშირსა და აშშ-ში. პერსონალურ მონაცემებს საზღვარგარეთ მხოლოდ „პერსონალურ მონაცემთა დაცვის შესახებ“ საქართველოს კანონის შესაბამისად გადავცემთ და მხოლოდ იმ პროვაიდერებს, რომლებსაც მათი დაცვის ვალდებულება აქვთ.
რამდენ ხანს ვინახავთ მონაცემებს
- შენი ანგარიში
- მონაცემებს ვინახავთ, სანამ ანგარიში გაქვს. ანგარიშის წაშლისას ვშლით შენს ელფოსტას, სახელს, ტელეფონის ნომერს, შენახული საბანკო ანგარიშის მონაცემებს, Google-ის ანგარიშთან კავშირსა და პირადობის შემოწმებისას მიღებულ სახელსა და გვარს. ასევე ყველა მოწყობილობაზე გამოგიყვანთ ანგარიშიდან.
- შეკვეთები, გადახდები და ჩარიცხვები
- ანგარიშის წაშლის შემდეგაც ვინახავთ ინფორმაციას იმის შესახებ, რა იყიდე და გაყიდე, რა თანხა გადაიხადე ან მიიღე, გადახდისა და თანხის დაბრუნების ჩანაწერებს, თითოეულ შეკვეთასთან დაკავშირებულ მიმოწერასა და საჩივრებს, ასევე იმ საბანკო ანგარიშის მონაცემებს, რომელზეც თანხა ჩაირიცხა. ამ მონაცემებს ვინახავთ ბუღალტრული და საგადასახადო წესებითა და სამართლებრივი მოთხოვნების ხანდაზმულობის ვადებით გათვალისწინებული ხანგრძლივობით.
- ბილეთის დამადასტურებელი მასალა
- დამადასტურებელი ფოტოები, შეძენის დამადასტურებელი საბუთები და ბილეთის შემცველი შემოწმებული ელწერილები ღონისძიებიდან 24 თვის შემდეგ იშლება. გამონაკლისია შემთხვევები, როცა მათი უფრო დიდხანს შენახვა საჩივრის განხილვისთვის ან მოკვლევისთვის გვჭირდება. მყიდველისთვის გადაცემული ბილეთის ფაილები შეკვეთასთან ერთად ინახება.
- თაღლითობის პრევენციის ჩანაწერები
- გამოვლენილი ფაქტები, შემთხვევების ჩანაწერები და დაწესებული შეზღუდვები: 24 თვე. IP მისამართებისა და საბანკო ანგარიშების ციფრული ანაბეჭდები: 90 დღე.
- შესვლა
- სესია სრულდება, თუ ანგარიშით 30 დღის განმავლობაში არ ისარგებლებ. ნებისმიერ შემთხვევაში, ის ანგარიშში შესვლიდან არაუგვიანეს 180 დღისა დასრულდება. უსაფრთხოების მიზნით ვინახავთ ჩანაწერს ანგარიშში შესასვლელად გაგზავნილი კოდების შესახებ.
- შეტყობინებები
- აპის push-ტოკენი იშლება, როცა ანგარიშიდან გამოხვალ, ანგარიშს წაშლი ან ტელეფონი შეტყობინებების მიღებას შეწყვეტს.
- მოლოდინის სიები
- ღონისძიების მოლოდინის სიაში ჩაწერისას მითითებულ ელფოსტას ამ ღონისძიებას ვუკავშირებთ და ვინახავთ, სანამ მის წაშლას არ გვთხოვ.
შენი უფლებები
„პერსონალურ მონაცემთა დაცვის შესახებ“ საქართველოს კანონით შეგიძლია:
- გაეცნო შენს შესახებ არსებულ მონაცემებს და მიიღო მათი ასლი;
- გაასწორო, განაახლო ან შეავსო ისინი: მონაცემების უმეტესობას პროფილში შეცვლი, ელფოსტას კი საიტზე;
- მოითხოვო მონაცემების წაშლა: ანგარიში შეგიძლია საიტზე ან აპში წაშალო. იმ მონაცემების შესახებ, რომლებიც ამის შემდეგ რჩება, მოგვწერე;
- მოითხოვო მონაცემების დაბლოკვა (გამოყენების დროებით შეჩერება) ან დამუშავების შეწყვეტა და გააპროტესტო მათი გამოყენების წესი;
- ნებისმიერ დროს გაიხმო პირადობის შემოწმებაზე გაცემული თანხმობა; უკვე ჩატარებული შემოწმება ძალაში რჩება;
- საჩივრით მიმართო საქართველოს პერსონალურ მონაცემთა დაცვის სამსახურს.
ამ უფლებებით სარგებლობისთვის მოგვწერე მისამართზე support@mertskhali.com ანგარიშზე რეგისტრირებული ელფოსტიდან. შესაძლოა ვინაობის დადასტურება გთხოვოთ. გიპასუხებთ კანონით დადგენილ ვადაში.
უსაფრთხოება
მერცხალთან კავშირი დაშიფრულია. ანგარიშში შესვლის კოდებსა და სესიის ტოკენებს ისეთი სახით ვინახავთ, რომ მათი თავდაპირველი მნიშვნელობის აღდგენა შეუძლებელია. ბარათის სრულ ნომერს ვერ ვხედავთ, საბანკო მონაცემებს კი ნაწილობრივ დაფარული სახით ვაჩვენებთ. თანამშრომლების წვდომა შეზღუდულია და აღირიცხება. სრულად დაცული სისტემა არ არსებობს: თუ უსაფრთხოების დარღვევა შენს მონაცემებს საფრთხეს შეუქმნის, კანონის შესაბამისად შეგატყობინებთ შენც და უფლებამოსილ ორგანოებსაც.
ასაკი
მერცხლით სარგებლობა 18 წლიდან შეგიძლია. არასრულწლოვანთა მონაცემებს შეგნებულად არ ვაგროვებთ. თუ ფიქრობ, რომ არასრულწლოვანს ანგარიში აქვს, მოგვწერე მისამართზე support@mertskhali.com და ანგარიშს წავშლით.
როცა პოლიტიკა იცვლება
პოლიტიკის შეცვლისას გვერდის დასაწყისში მითითებულ თარიღს ვაახლებთ. თუ ცვლილება შენი მონაცემების გამოყენების წესს ეხება, მის ძალაში შესვლამდე ელფოსტით ან აპში შეგატყობინებთ.
ვინ არის პასუხისმგებელი და როგორ დაგვიკავშირდე
მერცხალი ბილეთების გადაყიდვის პლატფორმაა, რომელიც აერთიანებს mertskhali.ge-სა და მერცხლის აპებს iPhone-ისა და Android-ისთვის. შენი პერსონალური მონაცემების დამუშავებაზე პასუხისმგებელი პირია ინდივიდუალური მეწარმე გიორგი ჯანგირაშვილი (საიდენტიფიკაციო ნომერი 01008057995, ვაჟა-ფშაველას მე-2 კვარტალი, კორპუსი 31).
ეს პოლიტიკა ვრცელდება საიტზე, აპებსა და ჩვენ მიერ გამოგზავნილ ელწერილებზე, SMS-ებსა და შეტყობინებებზე. ყველგან ერთი ანგარიშით სარგებლობ. შენს მონაცემებთან დაკავშირებული კითხვებით მოგვწერე მისამართზე support@mertskhali.com.